माया

आज मात्र थाहा पाएँ ,

झगडा पछिको माया ,

साना साना कुरालाई
वास्ता गर्न मैले सकिन ,

वास्ता नगरेको कुरालाई

तिमीले चुपचाप सहन सकिनौ ,

र अन्तत झगडा पर्यो ,

तिमीभन्दा म के कम मा पुग्यो ,

रिसको आबेगमा बोलचाल नै बन्द भयो ,

र बल्ल थाहा पाएँ ,

माया के हो भनेर

तिर्खाएको काग पानि खोज्न

प्याकुल प्याकुल गर्दै हिडेको जस्तो भएँ म ,

सधैभरि आउने म्यासेज

बन्दभयो त्यो दिनदेखी

कति ख्याल राख्थ्यौ मेरो

त्यो पनि टुट्यो त्यो दिनदेखि

खाना खायौ राजा ? आफ्नो ख्याल गर

सुत्ने बेला कल गर है 

तिम्लाई हेर्दै निदाउछु म 

भन्ने शब्द तिम्रो मुखबाट

सुनिएन जुन दिन देखि

साँच्चि भन्दा तिमीसँग बोल्ने

लत बसेछ

माया बढेछ 

र त तड्पाई हुन्छ

तिमी नबोल्दा पनि ,

भन्ने गर्थे पहिले

नजिकको सम्बन्धमा झगडा परे

माया बढ्छ रे ,

अब भने माया बढेछ क्यारे

मैले पनि अनुभव गरेँ ,

हो आज थाहा पाएँ

झगडा पछिको माया ..!!

-सुजन ढकाल 

  भरतपुर