हातमा लिएको कफिमा
सुगर घोल्न थाले देखि नैं
मुटु घुलिन थालेको थियो
प्रेमिल स्पर्सहरुले
कफिको सुगन्धमा
वारिपारि तर्ने
मायाको पुल बन्यो
क्याफेको माया अग्लियो
बयरको रुखहरु झैं झ्याङगीयो
चुस्स चुस्की लगाउदै
जुदेका नजर ले
मायाको बैना बाँधीयो
भएन
प्रेमको आधार शिबिर खडा गर्दै
जीवन यात्राको शुरुवात गर्न
कसमको तराजु जोख्यो ।
क्याफे र कफी को क्रम:
एकदिन गफैगफमा
तिमीले जीवन दर्शनको कुरा सुनायौ
मैले पनि जीवन दर्शन भोगेको सत्य बताएँ
भोग्नु र पढनुको भिन्नताले ठयाक्कै
हामीले बाँचेको वसन्त छुट्टयिो
लाग्छ-
त्यही दिन देखि क्याफेको पुल
हावा लाग्यो,मक्किदै गयो
र एक दिन सुगन्ध उड्यो
क्याफेको माया
कफी जस्तै तितो हुदोरहेछ
शायद-
तिमी जस्तै क्याफे मायालुहरु
सुगर बनेर
कफिको ग्लासमा मज्जाले
घुल्ने गर्दा रहेछन् ।
--
सुजन ढकाल
भरतपुर चितवन
No comments:
Post a Comment